Hoxe deixovos tamén esteoutro conto titulado "Paco Papán" da editorial OQO. Unha versión feita con animación que o fan ainda máis fácil de comprender polos nenos e nenas. Este conto que tamén lles gusta moito, ten unha canción que moi chula para cantar e bailar. Aqui tedes o vídeo do conto e a canción para que a aprendades.💜
Ola familias, deixovos o conto "Os chibos Chibóns" da editorial Kalandraka, que ós nenos e nenas lle encanta. Desta vez deixovos unha versión feita polo cole Coirón, espero que o desfrutedes. 😃
A marca de xoguetes Playmobil, que a tódolos nenos lles gusta moito, fixo un vídeo moi chulo para concienciar do uso da mascarilla, explicandollo ós nenos e nenas dunha mareira fácil e visual. E ainda que nestas idades tan pequenas é so recomendable, pareceume moi interesante, por iso vos deixo o vídeo para que todos o vexan. 💜😚
Ola familias, sigo dándovos ideas para poder explorar o entorno, esta vez un xogo que nos axuda a traballar a concentración e a atención, a resolución de problemas, o razoamento, a creatividade, conceptos matemáticos (o número 1,2,3), e tamén as emocións (saber esperar, gañar e perder).
Vos mesmos podedes facer o taboleiro en algún material ríxido que teñades pola casa e personalizalo coa axuda dos nenos e nenas, ou imprimir un dos modelos que eu vos deixo.
A idea que eu vos propoño e que o fagades en tamaño reducido e como fichas, aproveitando o entorno, buscar unhas pedriñas pequenas e redondiñas e as pintedes ou decoredes xuntos. Desta forma quedaravos un xogo de bolsillo para poder levar a calquer saída que fagades sen que vos supoño moito espazo, e todos tanto adultos coma pequenos desfrutedes xogando!!! 😄👍
Na páxina In Natura que vincula a natureza e a infancia, mostran este deseño tan chulo..
Deixovos este conto, que trata sobre o traballo e a recompensa que ten o esforzarse por facer algo. Espero que vos guste, ainda que non ten moita calidade foi teito con moito cariño para os pequerrechos da miña clase. 💜😍
Seguramente todos xogastes algunha vez ó bingo. É un xogo educativo para os vosos fill@s co que pode aprender e pasar un tempo divertido en familia. En definitiva é un recurso moi útil para xogar tanto cos adultos, como unha vez aprenda cos seus irmáns, primos ou amigos el só ou soa, pois ten unha dinámica moi sinxela. Aqui vos deixo unhas explicacións de como facer un bingo de números ou de letras e uns archivos para descargar por si vos animades a facelo.
Depois de ler o conto do Coelliño branco e as cores, Daniela tamén fixo experimentos coas cores, mesturandoas e observando que cor sae... Deixovos as fotos por se vos animades a facelo. Moi ben Daniela!! Unha actividade moi chula. 👍😄
Daniela xunto o seu irmán Lucas fixo unha mandala no patio da súa casa. Mirade que bonita lles quedou.. E tamén fixo outras para colgar, están preciosas!! 💜💜
Esta semana propóñovos outra actividade creativa que os nenos e nenas lles vai encantar!! Trátase de:
XEOS CREATIVOS
Deixovos un vídeo con algunha idea que xa fixen noutra ocasión. No cole podemos expoñelos todos e observar como se van desfacendo pouco a pouco, sobre todo un día de sol, con moita luz, e descubrir que cousas se esconden nos xeos que fixeron os compañeiros... E moi divertido. Como agora estamos na casa, sería xenial que sacarades fotos do xeo unha vez feito e logo do proceso de desxeo, para que todos os poidamos ver. Animádevos a probar!!!!!
Kalandraka TV ofrece moitos contos contados. Na columna da dereita en RECURSOS NA REDE tédela engadida para que sempre que queirades lle poidades votar un vistazo. Entre todos os contos hai un, co que podemos traballar as partes do corpo e o debuxo da figura humana, e que Olalla González nos conta mestres o ilustrador do conto Marc Taeger nos vai facendo un debuxo moi orixinal e cheo de cor. Unha idea estupenda para que fagan os nenos e nenas despois de escoitar o conto ou mentres o escoitan. Espero que vos guste e me ensinedes as vosas creacións para compartilas cos compañeiros.
No cole aprendemos a facer algún número, pero ainda necesitamos practicar máis, por iso vos deixo estes vídeos que mostran moi ben como facemos os números no cole.
Deixovos un traballiño para ir facendo despois de ver cada un dos números.
Para facer o número 1, recordar que sempre se empeza arriba. Subimos e baixamos.
Para facer o número 2, coma sempre comezamos arriba. Facemos unha montaña pequena, baixamos un pouquiño e unha raia!! Agora a practicar!!
Para facer o número 3, recordar que comezamos arriba e facemos dúas barriguiñas cara diante.
O número 4 e moi fácil, recordar sempre dende arriba, facemos a letra "L" de Lorenzo e logo poñemos unha patiña e xa esta!!! Mirade que fácil, agora podes practicar ti só.
O número 5 é un pouco difícil, por eso hai que fixarse moito. Comezamos arriba facendo unha raia cara atrás, baixamos e facemos unha barriguiña cara diante.
Ola a tod@s, para combinar co herbario, os que queirades colaborar, propóñovos outra actividade creativa, aproveitanto que saimos a pasear, ó xardin ou á horta e recolledes algunha flor, podedes aproveitar para coller algunhas de máis e facer unha MANDALA. Sabedes o que é unha mandala? Mirade o vídeo e darédesvos conta de que é unha actividade creativa moi divertida e fácil que todos podedes facer e que podedes gardar para decorar na casa.
Para esta opción que nos mostra este neno tan gracioso o mellor e usar pétalos, follas herbas ou cousas planas. Pero hai outra opción que é facer mandalas no chan, creandoas con diferentes materiais e de diferentes tamaños. Poden ser flores, petalos, follas, pedras, paus,... ou calquer material do entorno., e tamén xoguetes, pezas, animais, fios, teas,... ou outros obxectos que os nenos e nenas se lles ocorran, eles sós vos sorprenderán coa súa creatividade. Recordadelle que sempre se comeza no centro e imos facendo círculos ó recor. Mirade algunhas ideas e sorprendedeme coas vosas creacións..😄
Tamén lle podedes votar un vistazo ó video que hai neste enlace e veredes todas as posibilidades que ten a natureza para ser creativos e facer arte.
Aquí vos deixo unha adaptación que fixen do conto "White Rabbit´s color book", da colección Little Rabbits Book, de Alan Baker. Un conto idóneo para xogar coas cores e que os nenos e nenas as misturen para ver que cor sae. Apintura de témpera sería xenial para experimentar, pero con rotuladores ou incluso acuarela podería servir. Espero que vos guste e motive ós nenos e nenas a xogar coas cores.
Para facer un poucp de movemento, deixovos tamén esta canción que xa escoitamos na clase para que bailedes un pouco. Está incluída no disco "Bicos de música" de Mamá Cabra.
Aqui vos deixo outro recurso para utilizar, con unhas pequenas explicacións, e que os nenos e nenas teñan unhas rutinas semanais e poidan anticipar as súas actividades. Espero que vos sexa útil. 😊
Esta semana propóñovos unha actividade para observar, esplorar e desfrutar do entorno en familia. Agora que xa se pode sair a dar un paseo e desfrutar por fín!!, do noso entorno máis proximo. E dado que estamos nunha estación moi bonita onde as árbores volven ter follas, a moitas prantas e árbores comezan a sairlle flores,... por iso se me ocorreu que podiamos facer esta actividade que seguramente todos xa fixestes algunha vez. A continuación deixovos a explicación. Animádevos, seguro que os vosos fill@s o pasan moi ben.
Para descargar a folla para o herbario pinchar aquí. HERBARIO
No cole xa estivemos facendo estas letras, para aprender a poñer os nosos nomes, pero para aqueles que ainda necesitan practicar un pouco máis, deixovos estes vídeos onde explica como se fan as letras igual que as facemos no cole. Podedes ver cada unha das vogais e recordar como se fan. Se xa sabedes facelas moi ben, só tedes que practicar escribindo sós nunha folla. 😄 👀
O ver o vídeo fixámonos ben como se fai a vogal "A". No cole decimos subimos baixamos e facemos un cinturón.
Coa vogal "E" temos que facer un pau de arriba a abaixo e recordar que só leva tres raias.
A vogal "I" é moi fácil ainda así hai que fixarse e comezar sempre arriba.
A letra "O" é un pouco difícil, porque nos esquecemos de que sempre temos que comezar arriba e ir car👀a o lado esquerdo. Por iso nos temos que fixar moito cando a facemos.
Para facer a letra "U" comezamos sempre arriba, baixamos e volvemos a subir.
Xa sabemos algúns números e para seguir aprendendo e recordar os que xa sabemos, escoitamos e cantamos esta canción de María Fumasa, que está incluída no seu disco Xiqui Xoque Fiu Fiu (2014).